Ang “hush! 2023 Concerts” ay gaganapin mula sa huling bahagi ng Oktubre hanggang unang bahagi ng Nobyembre sa Macau Peninsula, Hac Sa Beach, pati na rin sa iba’t ibang lokasyon sa Coloane, at ang mga organizer, Cultural Affairs Bureau (IC), ay nananawagan na ngayon para sa mga proposal mula sa mga lokal na banda, musikero at art installations’ curators na sumali sa taunang music event, na nagtatampok ng mga concert, thematic performances, bazaar, workshops, art installations at networking session. Ang mga aplikasyon ay tatanggapin mula Hunyo 26 hanggang Hulyo 14. Maaaring makuha ang application form at mga regulasyon sa website ng IC (www.icm.gov.mo) o sa Facebook page ng “HUSH FULL MUSIC”. Para sa karagdagang impormasyon makipag-ugnayan sa 8399 6832 (Chinese) o 8399 6824 (English/Portuguese). (Romeo Adriano Jr.)
Photos: IC
COMMENTS