Nanalo ang Filipinang si Meranie Gadana Rahman sa ika-46 na edisyon ng Mrs. Universe na kumakatawan sa Hawaii na ginanap sa Newport Performing Arts Theater kamakailan. Nanalo ang India ng 1st runner-up na sinundan ng Philippines, Black Sea at Moscow.
“Ngayong napanalunan ko na itong prestihiyosong titulong Mrs. Universe, at ako ang kauna-unahang Pilipina na nanalo sa 46 na taong kasaysayan ng Mrs. Universe, hindi ko lang mapigilan ang mga luha ng pasasalamat na pumapatak mula sa aking mga mata,” sabi ni Meranie sa Philstar.com. Sinabi ni Meranie na gagamitin niya ang kanyang titulo bilang isang anti-domestic violence advocate.
“Mayroon akong ilang mga proyekto kabilang ang pagdadala ng titulong Mrs. Universe na may prestihiyong katapatan at integridad sa buong mundo pati na rin ang pagpapalaganap ng kamalayan tungkol sa adbokasiyang Domestic Violence. Bilang karagdagan, ipagpapatuloy ko ang aking iba pang mga adbokasiya kabilang ang kamalayan tungkol sa pambu-bully sa paaralan at internet, at Postpartum depression, “sabi niya, ulat ayon sa Philstar. (Romeo Adriano Jr.)
COMMENTS