Inanunsyo ng Chinese National Immigration Administration ng nitong nakaraang 1 Hulyo na ang mga dayuhang residente ng Macau o Hong Kong na may permanent ID card ay magiging karapat-dapat na mag-aplay para sa multi-entry travel permit ng mainland China na may limang taong bisa simula sa Hulyo 10.
Sa naturang travel permit, ang mga hindi Chinese na permanenteng residente ng Macau at Hong Kong ay maaaring bumisita sa mainland China nang walang visa at maaaring manatili doon ng pinaka matagal na 90 araw para sa bawat pagbisita.
Ang travel permit na ito ay kasalukuyang pwede lamang sa mga residente ng Macau at Hong Kong na may Chinese nationality.
Ang mga residente ng Macau at Hong Kong ay maaaring mag-aplay para sa travel permit sa China Travel Service sa dalawang SAR. Bawat applikation ito ay nagkakahalaga ng HK$260 at sa loob ng 20 araw ay maaring ibigay ang travel permit visa para sa mga matagumpay na applikante, ayon sa iba’t ibang ulat ng media.
Ang travel permit na ito ay nagpapahintulot sa may hawak na bumisita sa mainland China para sa pangkalahatang layunin tulad ng turismo o negosyo.
Ang mga dayuhang may hawak ng naturang permit ay hindi maaring magtrabaho o mag-aral o magsagawa ng gawaing pagbabalita sa mainland China – kailangan ng ibang visa para sa mga layunin ito. (Rosewyn Palomo)
COMMENTS