Natuklasan sa isang pag-aaral na isinagawa ng Guangzhou Laboratory sa pakikipagtulungan ng Guangzhou Academy of Sciences, Wuhan University, at ng Wuhan Institute of Virology, ang isang bagong bat coronavirus na nagdudulot ng panganib sa kalusugan ng tao dahil ginagamit nito ang parehong human receptor na Covid-19 virus.
Ang virus, na kilala rin bilang HKU5-CoV-2, ay isang novel lineage ng HKU5 coronavirus na natuklasan sa mga Japanese pipistrelle bats sa Hong Kong. Ang mga pagsusuri sa laboratoryo ay nagsiwalat na ang virus ay maaaring makahawa sa mga cells ng tao at gayon na rin sa baga at bituka. Maaari rin itong kumapit sa mga ACE2 na receptor sa tao, paniki, at iba pang mga hayop, balitang hatid ng Philippine News Agency. (Romeo Adriano Jr.)
Image: Mufid Majnun
COMMENTS