Ipinagdiwang ng 49th Metro Manila Film Festival (MMFF) Gabi ng Parangal ang mga nagwagi at muling naging mas masigla ang festival nang bumalik ang mga manonood sa mga sinehan para manood ng mga pelikulang Pilipino.
Ang makasaysayang pelikulang “Gomburza” ay nag-uwi ng pinakamaraming panalo na may pitong tropeo: Best Sound, Best Production Design, Best Cinematography, Gatpuno Antonio Villegas Cultural Award, Best Director, Best Actor at Second Best Picture. Ang pantasyang pelikulang “Firefly” ay nanalo bilang Best Picture at humakot ng dalawa pang parangal: Best Child Performer at Best Screenplay. Ang horror film na “Mallari” ay nanalo ng apat na parangal: Best Musical Score, Best Visual Effects, Best Supporting Actor, at Third Best Picture.
Sa kanyang pambungad na pananalita, sinabi ni MMFF Executive Chairman at MMDA Deputy Chairman, Undersecretary Frisco San Juan Jr., na ang gabi ng parangal ay nagsilbing pagdiriwang ng mga natatanging tagumpay at pagkamalikhain ng mga talentong Pilipino sa industriya ng pelikula, ulat ayon sa Philippines News Agency. (Romeo Adriano Jr.)
Photo: Jesuit Communications (JesCom)
COMMENTS