Hindi pa tapos ang pag-akyat ng utang ng gobyerno at umabot pa sa bagong pagtaas nito hanggang P14.35 trilyon sa katapusan ng Agosto mula sa P14.24 trilyon noong katapusan ng Hulyo, dahil sa paghina ng piso laban sa US dollar, ayon sa Bureau of the Treasury (BTr).
Makikita sa datos sa BTr na ang kabuuang outstanding obligations, 68 percent o P9.79 trillion ay utang sa domestic lenders habang 32 percent o P4.56 trillion naman ang hiniram sa foreign lenders.
Samantala, tumaas ng 2.9 porsiyento o P126.52 bilyon ang utang panlabas dahil sa pagbaba ng piso ng Pilipinas, na kung kaya’t tumaas ang halaga ng lokal na pera ng stock na utang ng gobyerno.
Batay sa pagtatantya ng United Nations, 117.8 milyon na ang populasyon ng Pilipinas. Iminumungkahi nito na ang bawat Pilipino ay may bahagi sa utang na humigit-kumulang sa P121,833, ayon sa Inquirer.net (Romeo Adriano Jr.)
Photo: Alexes Gerard
COMMENTS