Sinabi ng Australian Embassy sa Manila na magbubukas sa susunod na taon ang aplikasyon para sa “work and holiday visa” dahil pumayag ang Canberra na isama ang mga Filipino sa bagong visa scheme.
Ang ganitong uri ng visa ay nagpapahintulot sa mga karapat-dapat na mamamayan na may edad 18 taon hanggang 30 taon na magkaroon ng pinalawig na bakasyon sa Australia at gumawa ng panandaliang trabaho upang tumulong na pondohan ang kanilang biyahe. Ang isa sa mga kinakailangan ay sapat na pondo para suportahan ang sarili habang nasa Australia. Ito ay maaaring humigit-kumulang 5,000 Australian dollars (humigit-kumulang PHP180,900) para sa paunang pananatili at karagdagang pera na sapat para makabili ng flight ticket para umalis sa Australia sa pagtatapos ng pananatili.
Ang work at holiday visa mismo ay nagkakahalaga ng humigit-kumulang 635 Australian dollars (humigit-kumulang PHP22,974) at magbibigay sa may ‘holders’ ng hindi bababa sa 12 buwang pananatili sa Australia, ayon mula sa iba’t ibang uri ng Media. (Romeo Adriano Jr.)
Photo: Joey Csunyo
COMMENTS