Napag-alaman sa pag-aaral na ang digital dependency ay pinakamataas sa Pilipinas. Halos buong araw ay ginugugol ng mga Pilipino ang kanilang oras sa paggamit ng mga mobile phone kumpara sa mga karatig-bansa sa Asya, ayon sa isang pag-aaral na inilabas ng telecommunications firm na Telenor Asia Pte. Ltd.
Sa pag-aaral nito na “Digital Lives Decoded 2023,” sinuri ng Telenor ang 8,000 mobile user sa buong Bangladesh, Indonesia, Malaysia, Pakistan, Singapore, Thailand, Vietnam, at Pilipinas —na umabot sa mahigit 1,000 respondent—upang maunawaan kung paano ginagamit ng mga tao ang mga mobile devices upang mapabuti ang kanilang pang-araw-araw na buhay, pakikipag-ugnayan sa lipunan, at mga karera.
“Malamang na ang mga Pilipino ay may mobile phone sa lahat ng oras, na may 24% na nagsasabing sila ay hindi kailanman nawalan nito, kumpara sa rehiyonal na average na 14%,” ayon sa ulat ng GMA News Online. (Romeo Adriano Jr.)
Photo: NordWood Themes
COMMENTS